Basaku Budayaku..

A.    WERNA-WERNANING BASA

Ø  Manut wujude ana warna 3 yaiku:

a.       Basa lesan

b.      Basa tulisan

c.       Basa tandha (isyarat)

Ø  Manut undha usuk utawa unggah-ungguhe:

a.       Basa ngoko

-          Ngoko lugu

-          Ngoko andhap

b.      Basa madya

-          Madya ngoko

-          Madyantara

-          Madya karma

c.       Basa karma

-          Mudha karma

-          Kramantara

-          Wedha karma

d.      Basa karma inggil

e.       Basa kedhaton

f.       Basa krama desa

g.      Basa kasar

Ø  Manut panganggone wektu saiki utawa jaman samangke

a.      Basa Ngoko

1.      Ngoko lugu, yaiku: basa kang tembung-tembunge kabeh ngoko.

Tuladha:    - kardi mangan sega

- ibu lunga menyang pasar.

2.      Ngoko alus, yaiku: basa kang tembung-tembunge ngoko lugu kacampur tembung-tembung krama inggil tumprap wong kang diajeni (kanggo pakurmatan).

Tuladha:    - bapak saiki kagungan buku basa jawa anyar

- ibu tindak menyang pasar.

Ciri-ciri/titikane basa ngoko alus:

·         Ater-ater lan panambang tetep ngoko

·         Tembung kowe diganti panjenengan

·         Gegayutane karo wong liya sing diajeni, tindak-tanduk, tingkah laku (tembung kriya), nggunakake tembung-tembung karma inggil.

b.      Basa Krama

1.      Krama Lugu

-          Wujude: tembunge krama (ater-ater lan panambang dikramakake)

-          Tanpa nggunakake krama inggil (tumrap wong kang diajak guneman) lan sing nggunakake yaiku kanca marang kanca kang during kulina utawa wong tuwa kro wong nom kang ngajeni sing nom.

Tuladha:    - sampeyan badhe kesah?

                  - budi kalawau sampun nedha ulam dereng?

2.      Krama Alus

-          Wujude: ater-ater lan panambang dikramakake lan tembung kang digunakake yaiku tembung-tembung krama lan krama inggil.

-          Nggunakakake krama inggil tumprap wong kang diajak guneman kang dikurmati utawa kang luwih tuwa.

Tuladha:    - sinten ingkang mundhut buku basa Jawi saking aspirasi?

                  - panjenengan kalawau saking tindak pundi?